आर्सनल प्रिमियर लिगको शीर्षस्थानमा

काठमाडौँ । इंग्लिस प्रिमियर लिग फुटबल अन्तर्गत आर्सनलले जित निकालेको छ ।

गएराति भएको खेलमा आर्सनलले ब्रेन्टफोर्डलाई उसकै मैदानमा १–० गोलले पराजित गरेको हो । आर्सनललाई जित दिलाउन एकमात्र निर्णायक गोल काई हाभट्र्जले गरे । उनले खेलका ८९ औं मिनेटमा गोल गर्दै आर्सनललाई महत्वपूर्ण तीन अंक दिलाए ।

उनी खेलको ७९ औं मिनेटमा गाब्रियल मार्टिनेलीको स्थानमा बैकल्पिक खेलाडीका रुपमा आएका थिए । बुकायो साकाले क्रस गरेको बलमा उनले हेडरमार्फत सानदार गोल गरे ।

जितसँगै आर्सनल अंकतालिकाको शीर्षस्थानमा उक्लिएको छ । आर्सनलको १३ खेलबाट ३० अंक छ । ब्रेन्टफोर्ड समान खेलबाट १६ अंकका साथ ११ औं स्थानमा छ ।