टस हारेर भारतविरुद्ध ब्याटिङ गर्दै नेपाल

काठमाडौँ। एसीसी यू–१९ एसिया कपको भारतविरुद्धको खेलमा नेपालले पहिला ब्याटिङ गर्ने भएको छ। दुबईको आइसिसी एकेडेमी ओभल– २ मैदानमा भारतले टस जितेर पहिला फिल्डिङ गर्ने निर्णय लिएको हो।

एसिया कपको सेमिफाइनलमा पुग्ने टिमहरुको छिनोफानो भइनसकेकोले आज हुने समूह चरणको अन्तिम खेल सबै टिमका लागि निकै महत्वपूर्ण छ।

नेपाल रहेको समूह ‘ए’मा पाकिस्तान ४ अंकसहित शीर्ष स्थानमा छन्। समान २ अंक रहेको भारत दोस्रो र अफगानिस्तान तेस्रो स्थानमा छन्।

नेपाल पहिलो खेलमा पाकिस्तानसँग ७ विकेट र दोस्रो खेलमा अफगानिस्तानसँग ७३ रनले पराजित भएको थियो।