सिके राउतसहित नेता तथा कार्यकर्ता छुटे

काठमाडौँ । माइतीघरबाट पक्राउ परेका सिके राउतसहित नेता तथा कार्यकर्ता छुटेका छन् । ‘धोती दिवस’ मनाउन भन्दै माइतीघर क्षेत्रमा भेला भएको बेला पक्राउ परेका संघीय मामिला तथा सामान्य प्रशासन मन्त्री अनिता देवी, जनमत पार्टीका अध्यक्ष सीके राउत लगायतलाई प्रहरीले छाडेको हो ।

गृहमन्त्री नारायणकाजी श्रेष्ठ आफैं नेपाल प्रहरी क्लब भृकुटीमण्डप पुगेर उनीहरुलाई छुटाएका हुन् । ब्यानरसहित धोती दिवस मनाउन निषेधित क्षेत्र माइतीघर पुगेका राउतसहित ५१ जनालाई प्रहरीले पक्राउ गरेको थियो ।

पक्राउ गरेर उनीहरुलाई पुलिस क्लब भृकुटीमण्डपमा राखिएको थियो ।