एजेन्सी । हालै सकिएको प्रिमियर लिगमा शिर्ष चारमा स्थान बनाउन सफल न्युक्यासल युनाइटेड नयाँ खेलाडीहरु अनुबन्ध गर्ने तयारी गरिरहेको छ ।
मिडिया रिपोर्टमा अनुसार न्युक्यासलले रियल मड्रिडका स्टार खेलाडी करिम बेन्जेमा र पिएसजीका स्टार खेलाडी लियोनल मेस्सीलाई अनुबन्ध गर्ने प्रयास थालेको बताइएको छ ।
न्युक्यसालले यी दुई खेलाडीलाई अनुबन्ध गर्न बजेट जुटाइरहेको समेत मिरर मिडियाले जनाएको छ ।
बेन्जेमालाई रियलले थप एक वर्षको अफर दिने तयारी गरेता पनि उनले क्लब छोड्ने मनसाय बनाएको बताइएको छ ।
उता पिएसजी छोड्ने पक्का भएसँगै लियोनल मेस्सीलाई धेरै क्लबहरुबाट अफरहरु आएका छन् ।
उनलाई साउदी क्लब अल हिलालबाट सबैभन्दा ठुलो अफर भएको छ ।
तर, उनले युरोपमा नै रहन चाहेको बताइएको छ । यस अवस्थामा न्युक्यासल उनका लागि उपयुक्त क्लब हुन सक्ने अनुमान गरिएको छ ।
