एनआरटी र हिमालयनको बराबरी

काठमाडौँ। न्यूरोड टिम एनआरटी र हिमालयन शेर्पाबीचकोे खेल बराबरीमा सकिएको छ। सहिद स्मारक ‘ए’ डिभिजन लिग फुटबलमा अन्तर्गत आइतबार त्रिपुरेश्वरस्थित दशरथ रंगशालामा भएको खेलमा एनआरटी र हिमालयनले १–१ गोलको बराबरी खेलेका हुन्।

खेलमा सुरुआती अग्रता भने हिमालयनले बनाएको थियो। तर, हिमालयनले त्यसलाई जोगाउन सकेन। खेलको ५२ औं मिनेटमा दिवस उराउले गोल गर्दै हिमालयन शेर्पालाई सुरुआती अग्रता दिलाएका थिए।

तर, खेलको ५५ औं मिनेटमा दिपेश आले मगरले गोल गर्दै एनआरटीलाई १–१ गोलको बराबरीमा ल्याए।

बराबरीसँगै एनआरटीले २४ खेलमा ३० अंक जोडेको छ। त्यस्तै, हिमालयनले २४ खेलमा ३१ अंक जोडेको छ।