काठमाडौँ । गत पुस महिनामा घरजग्गा कारोबारमा वृद्धि भएको भूमि व्यवस्था तथा अभिलेख विभागले जनाएको छ ।
विभागको तथ्यांक अनुसार गत पुसमा १ लाख ३६ हजार ७ सय ७३ कारोबारबाट ३ अर्ब ५१ करोड रुपैयाँ राजस्व संकलन भएको छ ।
यो रकम गत मंसिर महिनाको तुलनामा ६५ करोड रुपैयाँले बढी हो ।
सबैभन्दा धेरै घरजग्गा किनबेच सुनसरीको इनरुवा मालपोत कार्यालयबाट भएको छ । इनरुवा मालपोत कार्यालयबाट पुसमा १ हजार ९ सय ३७ लिखत पारित भएको थियो । दोस्रोमा भद्रपुर मालपोत कार्यालयबाट १ हजार ७ सय ४३, मोरङ बेलबारीबाट १ हजार ६ सय ५०, जनकपुरबाट १ हजार ५ सय २०, राजविराजबाट १ हजार २ सय ६०, जलेश्वरबाट १ हजार ५७, मलंगवाबाट १ हजार ४५ र तौलिहवा मालपोत कार्यालयबाट १ हजार २ लिखत पारित भएका छन् ।
काठमाडांै उपत्यकामा भक्तपुर मालपोत कार्यालयबाट सबैभन्दा धेरै ८ सय ७७ लिखत पारित भएको थियो । यस्तै, ललितपुरको लगनखेल मालपोतबाट सबैभन्दा धेरै रकम अर्थात २७ करोड ७२ लाख रुपैयाँ राजस्व संकलन भएको पनि विभागले जनाएको छ ।
