सन्तोषीलाई अन्तर्राष्ट्रिय म्याराथनको डेब्युमा कीर्तिमानसहित स्वर्ण पदक

काठमाडौँ । सन्तोषी श्रेष्ठले अन्तर्राष्ट्रिय म्याराथनको डेब्युमा नै कीर्तिमानसहित स्वर्ण पदक जितेकी छन् । बंगलादेशको ढाकामा शुक्रबार भएको बंगबन्धु शेख मुजिब ढाका इन्टरनेसनल म्याराथनमा सन्तोषीले स्वर्ण पदक जितेकी हुन् ।

म्याराथनको दक्षिण एसियाली विधाको महिलातर्फ २ घन्टा ४६ मिनेट २२ सेकेन्डमा दूरी पार गर्दै सन्तोषीले स्वर्ण जितेकी हुन् । उनले स्वर्णसँगै राष्ट्रिय कीर्तिमान समेत बनाएकी छिन् ।

यसअघि पुष्पा भण्डारीको नाममा रहेको राष्ट्रिय कीर्तिमान सन्तोषीले जितेकी हुन् । यसअघि पुष्पाले बंगबन्धुमा म्याराथनमा २ घन्टा ४८ मिनेट ०२ सेकेन्डको राष्ट्रिय कीर्तिमान बनाएकी थिइन् ।

महिलातर्फकै म्याराथनमा एपीएफकी पुष्पाले रजत पदक जितकी छन् । पुष्पाले २ घन्टा ४९ मिनेट ३३ सेकेन्डमा दौड पूरा गरेकस् हुन् । बंगबन्धुमा पुष्पाले यसअघि २ स्वर्ण र १ कास्य पदक जितेकी थिइन् ।

पुरुषतर्फ खडकबहादुर खड्काले कास्य पदक जितेका छन् ।