काठमाडौँ । नेकपा एमालेका अध्यक्ष केपी शर्मा ओलीले नेकपा एकीकृत समाजवादीका अध्यक्ष माधवकुमार नेपालले जिन्दगीमा कुनैपनि हालतमा अब चुनाव जित्न नसक्ने दाबी गरेका छन् ।
बिहीबार एमाले रौतहटको जिल्ला अधिवेशनको उद्घाटन गर्दै पूर्व प्रधानमन्त्रीसमेत रहेका ओलीले अध्यक्ष नेपालले सो दाबी गरेका हुन् । नेपालले
पटक–पटक मधेशलाई धोका दिएको दाबी गर्दै अब कुनैपनि हालतमा जनताले भोट दिएर चुनाव जिताउन नहुने बताए ।
कार्यक्रमलाई सम्बोधन गर्दै ओलीले भने, ‘अब अर्कोपल्ट माधव नेपालले चुनाव पनि जित्दैनन् । उताका पैसा ल्याएर, कुनै हिसाबले पनि जित्दैनन् । जित्न पनि दिनुहुँदैन ।’
ओलीले माधव नेपालको चर्को आलोचना गरेका थिए । पहिला एमालेका नेता भएका, प्रधानमन्त्री समेत भएको व्यक्तिले दुई तिहाइको पार्टी फोड्ने, सरकार ढाल्ने र कांग्रेसको पाउमा लगेर सरकार बुझाएको आरोप ओलीले लगाए ।
