अरूण चौधरीलाई छाड्ने अदालतको आदेशमा गृहमन्त्रीको असन्तुष्टि

काठमाडौँ । उपप्रधानमन्त्री तथा गृहमन्त्री नारायणकाजी श्रेष्ठले बाँसबारी जग्गा प्रकरणमा अरूण चौधरीलाई छाड्ने काठमाडौँ जिल्ला अदालतको आदेशमा असन्तुष्टि जनाएका छन् ।

संसद्को राज्य व्यवस्था तथा सुशासन समितिको आइतबार बसेको बैठकमा सांसदहरूले उठाएको प्रश्नको जवाफ दिने क्रममा मन्त्री श्रेष्ठले अदालतको आदेशप्रति असन्तोष प्रकट गरेका हुन् ।

सरकारले अदालतको आदेशको सम्मान र कार्यान्वयन भने गर्नैपर्ने उनको भनाइ छ । फैसलाले आफैँमा प्रश्न छाडेको भन्दै उनले त्यो अनौठो भएको बताए ।

अदालतले चौधरीलाई थुनामा राख्न अनुमति नदिए पनि अनुसन्धान भने जारी रहेको बताए ।