मेनुका पौडेललाई राष्ट्रपतिले दिए बधाई

काठमाडौँ । राष्ट्रपति रामचन्द्र पौडेलले इण्डियन आइडलको उत्कृष्ट १० मा पर्न सफल नेपाली गायिका मेनुका पौडेललाई बधाई दिएका छन् ।

सोमबार शीतल निवासमा राष्ट्रपति पौडेलले उनलाई धन्यवाद दिँदै सम्मानसमेत व्यक्त गरेका हुन् ।

राष्ट्रपतिले मेनुकाको परिश्रम, मेहनत र योग्यताले सबै नेपालीको शिर उँचो बनाएको बताएको उनको सचिवालयले जनाएको छ । मेहनत र क्षमता देखाएर देशका छोराछोरीले मुलुकको शान र गौरव बढाउने उनको भनाइ थियो ।

इण्डियन आइडलको अन्तिम १० बाट पौडेल गत साता बाहिरिएकी थिइन् । उक्त भारतीय रियालिटी शोले मेनुकालाई चर्चा दिलाएको छ ।