रुसी सेनाद्वारा दक्षिणी युक्रेनको ठूलो बाँध विस्फोट !

एजेन्सी । रुसी सेनाले दक्षिणी युक्रेनको ठूलो बाँध विस्फोट गरेको आरोप युक्रेनले लगाएको छ ।

तल्लो क्षेत्रमा बाढी आउन सक्ने चेतावनी दिँदै नीपर नदी किनारका बासिन्दाहरूलाई खाली हुन आग्रह गरिएको मिडिया रिपोर्टमा उल्लेख छ ।

युक्रेनको आन्तरिक मन्त्रालयले नदीको दाहिने किनारमा रहेका १० गाउँका बासिन्दा र खेरसन सहरका केही भागहरूलाई घरायसी उपकरणहरू बन्द गर्न र महत्त्वपूर्ण कागजातहरू र गाईवस्तुहरूसहित सुरक्षित स्थानमा जान र भ्रामक सूचनाहरूबाट सावधान रहन आग्रह गरेको छ।

‘रुसी सेनाले अर्को आतंकवादी कार्य गरेको छ’, खेरसन क्षेत्रीय सैन्य प्रशासनका प्रमुख ओलेक्जेन्डर प्रोकुडिनले बिहान ७ बजे टेलिग्राममा पोस्ट गरेको भिडियोमा भनेका छन्, जसका कारण पानी पाँच घण्टाभित्र खतरनाक तहमा पुग्नेछ।