मिटरव्याज पीडित तथा किसानका माग पूरा गर्न सरकारको ध्यानाकर्षण

काठमाडौँ । राष्ट्रिय सभा सदस्य बिमला घिमिरेले मिटरव्याज पीडित तथा किसानका माग तत्काल पूरा गर्न सरकारको ध्यानाकर्षण गराएकी छिन् ।

राष्ट्रिय सभाको आजको बैठकको शून्य समयमा बोल्दै सांसद घिमिरेले मिटरव्याज पीडितको माग सम्बोधन गर्न आग्रह गरेकी हुन् ।

त्यस्तै, सांसद सुमित्रा विसीले जाजरकोटका भूकम्पपीडित पालभित्र बस्न बाध्य रहेको उल्लेख गर्दै तत्काल आवास पुनःनिर्माणको प्रक्रिया अघि बढाउन सुझाव दिइन् ।

सांसद तारामान स्वाँरले सुदूरपश्चिमको विकास र अर्थतन्त्रको मेदरुदण्डमा रहेका सेती र महाकाली लोकमार्ग निर्माणलाई तीव्र बनाउन तथा आगामी आवका लागि बजेटको सुनिश्चितता गराउन माग गरे ।