काठमाडौँ। चर्च ब्वाईज युनाइटेडले पहिलो सिजनमै शहिद सम्मारक ‘ए’ डिभिजन लिगको उपाधि जितेको छ। मंगलबार दशरथ रंगशालामा भएको २५ औं चरणको खेलमा थ्री स्टार क्लबसँग गोलरहित बराबरी खेल्दै चर्च ब्वाइजले उपाधि पक्का गरेको हो।
डवल राउण्ड रोविन प्रणालीमा सञ्चालित लिगमा चर्च ब्वाइजले २५ खेलबाट ४५ अंक बनाएको छ। २ खेल खेल्न बाँकी मछिन्द्रको जम्मा ३९ अंक रहेको छ। मछिन्द्रले बाँकी दुई खेल जितेमा र चर्च ब्वाइजले लिगको अन्तिम खेलमा जावलाखेल युथ क्लबसँग पराजित भए पनि उपाधि पक्का गरेको हो। किनकी चर्च ब्वाइज ‘हेड टू हेड’मा मछिन्द्रभन्दा अगाडि रहेको छ।
लिगमा २५ खेल खेल्दा चर्च ब्वाइजले १२ जित, ८ बराबरी र ४ हार नतिजा निकालेको हो।
चर्च ब्वाइजसँगको बराबरीले थ्री स्टारको २९ अंक भएको छ र उ पुछारबाट तेस्रो स्थानमा छ।
चर्च बोइजले ‘सी’ डिभिजन छनोटदेखि ‘ए’ डिभिजनसम्म विजेता बनेको हो। यसअघि मनाङ मस्र्याङ्दी क्लबले पनि यस्तै इतिहास बनाएको थियो। मनाङले २०३९ देखि २०४३ सालसम्म डी, सी, बी र ए डिभिजन च्याम्पियन बनेको थियो।
