बागमतीको विनाविभागीय मन्त्रीमा नियुक्त रमा आलेले लिइन् शपथ

हेटौँडा । बागमती प्रदेशमा नेकपा एकीकृत समाजवादीबाट विनाविभागीय मन्त्रीमा नियुक्त रमा आलेमगरले पद तथा गोपनीयताको शपथ लिएकी छिन् ।

प्रदेश प्रमुख यादवचन्द्र शर्माले आज बिहान उनलाई विनाविभागीय मन्त्रीको शपथ गराएका हुन् ।

मुख्यमन्त्री शालिकराम जम्कट्टेलले मगरलाई हिजो बेलुका मन्त्री नियुक्त गरेका थिए । सांसद रमा आलेमगर एकीकृत समाजवादीबाट प्रदेशमा प्रत्यक्ष निर्वाचित एक्लो महिला सांसद हुन् । उनी काठमाडौँ प्रतिनिधिसभा क्षेत्र नम्बर–१० को प्रदेश ‘ख’ बाट निर्वाचित भएकी हुन् ।

बाग्मती प्रदेशका मुख्यमन्त्री शालिकराम जम्कट्टेलले तेस्रो पटक सोमबार विश्वासको मत प्राप्त गरेका हुन् ।