‘ए’ डिभिजन लिग सकिनै लाग्दा एन्फाले पायो मुख्य प्रायोजक

काठमाडौँ। सहिद स्मारक ‘ए’ डिभिजन लिग सकिनै लाग्दा अखिल नेपाल फुटबल संघ (एन्फा)ले मुख्य प्रायोजक पाएको छ। लिगको २५ औं चरणको खेल चलिरहँदा कतार एयरवेजले मुख्य प्रायोजन गर्ने भएको हो।

एन्फाको शनिबार बसेको आपतकालीन समितिको बैठकमा मुख्य प्रायोजनकबारे कतार एयरवेजले गरेको प्रस्तावलाई पारित गरेको हो। प्रस्ताव अनुसार कम्पनीले यस सिजनका लागि ५० हजार अमेरिकी डलर र २०२४ संस्करणका लागि १ लाख ५० हजार अमेरिकी डलर प्रायोजन गर्ने उल्लेख गरिएको छ।

एन्फाले यसका लागि छिट्टै सम्झौता गर्ने बताएको छ।