काठमाडौँ । नेपाली ओटिटी प्लेटफर्म कान्तिपुर सिनेमाजमा फिल्म ‘नांगो गाउँ’ र ‘दान्भी’ को स्ट्रिमिङ सुरु भएको छ । रक्षा बन्धनको अवसरमा कान्तिपुर सिनेमाजमा २ फिल्म रिलिज भएका हुन् ।
दीपेन्द्र लामाको लेखन र निर्देशनमा बनेको यो फिल्म गत वर्ष २९ भदौमा हलमा रिलिज भएको थियो । दयाहाङ राई, मिरुना मगर, साम्राज्ञी राज्यलक्ष्मी शाह, कर्मा अभिनीत यो फिल्म बक्सअफिसमा सफल भएको थियो ।
त्यस्तै, रुपेश तामाङको निर्देशित ‘दान्भी’ गत ७ असारमा रिलिज भएको थियो । पूजा शर्मा, कुन्साङ बोम्जन लगायतको अभिनय रहेको यस फिल्मले औसत व्यापार गरेको थियो ।
हाल कान्तिपुर सिनेमाजमा फिचर फिल्म, अवार्ड विनिङ सर्ट फिल्म, वेब सिरिज, प्ले सिरिज र मिनी सिरिज गरी ३० वटाभन्दा बढी प्रिमियम कन्टेन्ट रिलिज भइरहेका छन् । यस प्लेटफर्मलाई विश्वभर कान्तिपुर सिनेमाजको वेबसाइट लगइन गरेर वा मोबाइल एप डाउनलोड गरेर हेर्न सकिन्छ ।
प्रयोगकर्ताले मासिक २९९ रुपैयाँ तिरेर कान्तिपुर सिनेमाजको सबै कन्टेन्ट हेर्न सकिने र एउटा अकाउन्ट २ वटासम्म डिभाइसमा लक इन गर्न सकिने कान्तिपुर सिनेमाजले जनाएको छ । यो प्लेटफर्मलाई कान्तिपुर फिल्म एकेडेमीले सञ्चालनमा ल्याएको हो ।
