कुवेतविरुद्ध पहिलो हाफमा नेपाल २ गोलले पछि पर्यो

काठमाडौँ। साफ च्याम्पियनसिप फुटबल प्रतियोगिताअन्तर्गतको पहिलो खेलको पहिलो हाफमा नेपाल २ गोलले पछि परेको छ। भारतको बैंगलोरमा सुरु भएको खेलमा नेपालविरुद्ध कुवेतले पहिलो हाफमा २ गोल गरेको हो।

बैंगलोरस्थित श्री कान्तिरभा स्टेडियममा भएको खेलको २३ औँ मिनेटमा कप्तान खालिद हाजियाले गोल गर्दै कुवेतलाई १–० को अग्रता दिलाए।

त्यस्तै, खेलको ४१ औँ मिनेटमा नेपालले अर्को गोल खायो। कुवेतका लागि शाहबैब अल्खादीले गोल गरेपछि अग्रता २–० मा पुर्‍याए।