उपाधि भिडन्तमा नरेनको शतक, मलेसियासामु २५३ रनको लक्ष्य

काठमाडौँ। एसीसी यू– १६ इस्ट जोन कप अन्तर्गतको फाइनल खेलमा नेपालले मलेसियालाई २५३ रनको लक्ष्य दिएको छ। सुरुमा ब्याटिङ गरेको नेपालले निर्धारित ३५ ओभरमा ८ विकेट गुमाएर २५२ रन जोडेर उपाधिको लागि २५३ रनको लक्ष्य दिएको हो।

नेपालको लागि नरेन भट्टले अविजित ११२ रन बनाए। तेस्रो नम्बरमा ब्याटिङमा आएका नरेनले पाँचौँ विकेटका लागि सन्तोष यादवसँग १०४ रनको साझेदारी गरेका थिए। उनले ८९ बलमा २ छक्का र १० चौका प्रहार गरे। नेपालले पहिलो विकेटका लागि ४२ रनको साझेदारी गर्दै मध्यम सुरुवात गरेको थियो।

निरज कुमार यादवले ४७ रन बनाए। लिग चरणमा यी दुई टोली भिडेकामा मलेसिया ९९ रनमा समेटिएको थियो ।