बैतडीमा बस दुर्घटना हुँदा एकजनाको मृत्यु, ३९ जना घाइते

काठमाडौँ। बैतडीमा बस दुर्घटना हुँदा एकजनाको मृत्यु भएको छ भने ३९ जना घाइते भएका छन्। पञ्चेश्वरको कुलाउदेखि महेन्द्रनगरका लागि छुटेको बस मेलौली –पञ्चेश्वर सडकखण्ड अन्तर्गत मेलौली नगरपालिका वडा नं ७ स्वाखानी भन्ने स्थानमा दुर्घटनामा परेको हो।

सोमबार दिउँसो लु २ ख २०११ नम्बरको बस दुर्घटनामा परी पञ्चेश्वर गाउँपालिका वडा नं ६ रन्तोलीका २८ बर्षीय उमेश भण्डारीको मृत्यु भएको जिल्ला प्रहरी कार्यालय बैतडीका प्रवक्ता प्रहरी निरीक्षक योगेश खत्रीले बताए। ३८ जना घाइते मध्ये १६ जनाको अवस्था गम्भीर रहेको छ। उनीहरुलाई थप उपचारका लागि डडेल्धुरा अस्पताल पठाइएको छ।

घाइतेहरुको केशरपुर प्राथमिक स्वास्थ्य केन्द्र मेलौलीमा उपचार भइरहेको छ।