लिभरपुलका यी दुई खेलाडी साउदी अरेबियन क्लबमा अनुबन्ध हुने तयारीमा !

एजेन्सी । पछिल्लो समय प्रिमियर लिग क्लबका खेलाडीहरु साउदी क्लबमा अनुबन्ध हुने होडबाजी नै चलेको छ । प्रिमियर लिग क्लबले दिने तलबभन्दा तीन गुणा बढीसम्म पाउने भएपछि साउदी जाने खेलाडीहरुको संख्या ह्वात्तै बढेको छ ।

मिडिया रिपोर्टका अनुसार लिभरपुलका दुई खेलाडी साउदी क्लबमा अनुबन्ध हुन तयार रहेका छन् ।

लिभरपुलका कप्तान तथा मिडफिल्डर जोर्डन हेण्डरसन र फाबिन्हो साउदी अरेबिया जाने तयारीमा छन् ।

फाबिन्हो अल इतिहड जाने तयारीमा छन् । उनलाई ४० मिलियनमा अनुबन्ध गर्ने तयारी गरिएको बताइएको छ ।

उता हेण्डरसनलाई हप्ताको ७ लाख डलर तलब अफर भएको बताइएको छ । उनलाई अल–इट्टीफकले अफर दिएको हो ।