एजेन्सी । इरान र इजरायलबीचको तनाव झनै बढेको छ । जहाँ इरानको आणविक कार्यक्रमलाई लिएर आक्रोशित इजरायलले खुला चेतावनी दिएको छ ।
इरानले २ हजार किलोमिटरको लक्ष्यमा प्रहार गर्न सक्ने खतरनाक ब्यालेस्टिक मिसाइल ‘खैबर’को सफल परीक्षण गरेर आफ्नो मनसाय प्रकट गरेको छ ।
इरानले अर्को क्षेप्यास्त्र पनि परीक्षण गरेको मिडिया रिपोर्टमा उल्लेख छ ।
रिपोर्टका अनुसार चौथो पुस्ताको क्षेप्यास्त्र भएको दाबी गरिएको छ, जसले २,००० किलोमिटर टाढाको लक्ष्यलाई प्रहार गर्न सक्छ।
इजरायलका सेना प्रमुखले इरानलाई दिएको चेतावनीपछि इरानले यो क्षेप्यास्त्र परीक्षण गरेर आफ्नो खतरनाक नियत देखाएको बताइएको छ ।
इरानको मिसाइल सूचीमा खैबर मिसाइल पनि थपिएको छ । पश्चिमी देशहरूसँग जारी तनावको बीचमा यस मिसाइलको परीक्षण इजरायलका लागि समस्या बन्न सक्छ। तेहरानमा एक कार्यक्रममा यो मिसाइल परिक्षण गरिएको हो । यो ट्रकमा लन्चरको सहयोगमा प्रक्षेपण गरिएको थियो।
