काठमाडौँ। हरितालिका तीजको अवसरमा एनसेल आजियाटा लिमिटेडले देशका चार शहरहरुमा सांगीतिक कार्यक्रमको आयोजना गरेको छ।
एनसेलले सोमबार सिन्धुली, महेन्द्रनगर, पोखरा र विर्तामोड शहरमा तीज कार्यक्रम आयोजना गरेको हो। कार्यक्रममा सर्वसाधारण बाहेक विशेष गरी महिलाहरुको उल्लेख्य सहभागिता रहेको थियो।
सहभागीहरुले सांगितिक कार्यक्रमको आनन्द लिनुका साथै स्थानीय कलाकारहरुको गीतसंगीत प्रस्तुतिमा नाचगान गर्दै भरपुर मनोरञ्जन लिएका थिए।
एनसेलले कार्यक्रम आयोजना स्थलमा आफ्नो स्टल पनि राखेको थियो। स्टलबाट ग्राहकले एनसेलको सिमकार्ड, रिचार्ज कार्ड तथ अन्य सेवा, सुविधाहरु लिन सक्ने व्यवस्था मिलाएको थियो।
एनसेलले आइतबार आफ्नो सेवा सञ्चालनको १८औं वार्षिकोत्सवको ‘हामी तपाईंकै लागि’ भन्ने थिमका साथ तीज कार्यक्रम आयोजना गरेको हो।
