काठमाडौँ। मंगलबार नेप्से परिसूचक १७.५६ अंक घटेर १९५८.७२ विन्दुमा ओर्लिएको छ। सोमबार सामान्य अंक बढेर बन्द भएको नेप्से आज घटेको हो।
नेप्सेसँगै मंगलबार सेन्सेटिभ इण्डेक्स ३.६६, फ्लोट इण्डेक्स १.१९ र सेन्सेटिभ इण्डेक्स १.३२ अंक घटेको छ।
नेप्सेसँगै आज कारोबार रकम पनि घटेको छ। सोमबार १ अर्ब ७३ करोडको शेयर खरिदबिक्री भएको बजारमा यस दिन २८१ स्टकको ५५ हजार ९६ पटकको कारोबारमा १ अर्ब १९ करोड ९१ लाख रुपैयाँ बराबरको ३९ लाख ६५ हजार कित्ता शेयर खरिदबिक्री भएको छ।
आज समता लघुवित्त वित्तीय संस्थाको शेयरमूल्य सर्वाधिक ७।९१ प्रतिशत बढेको छ। घलेम्दी हाइड्रोको शेयरमूल्य ७.८१ प्रतिशत बढेको छ भने हिमालयन लघुवित्तको शेयरमूल्य ६ प्रतिशतभन्दा बढी बढेको छ। कारोबारमा आएको सामुदायिक लघुवित्त वित्तीय संस्थाको शेयरमूल्य सर्वाधिक साढे ७ प्रतिशत घटेको छ।
कारोबार रकमका आधारमा आज सिटिजन लाइफ इन्स्योरेन्स शीर्ष स्थानमा रहेको छ। इन्स्योरेन्सको यस दिन साढे ५ करोडभन्दा बढीको शेयर कारोबार भएको छ। त्यस्तै एनआईसी एशियाको ५ करोड रुपैयाँभन्दा बढीको शेयर खरिदबिक्री भएको छ।
मंगलबार १३ वटै उपसमूहको परिसूचक घटेको छ। जसमध्ये व्यापार उपसमूहको परिसूचक सर्वाधिक १।४७ प्रतिशत घटेको छ।
