आज पनि बढ्यो सुनको भाउ

काठमाडौँ। आज नेपाली बजारमा शुक्रबार सुनको भाउ बढेको छ। छापावाला सुनको मूल्य आज तोलामा २ सय रुपैयाँले बढेर १ लाख १५ हजार ९ सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको हो।

महासंघका अनुसार आज तेजावी सुन पनि तोलामा २ सय रुपैयाँले नै बढेर एक लाख १५ हजार ३५० रुपैयाँमा कारोबार भइरहेको छ।

यता चाँदी भने आज १५ रुपैयाँले घटेको छ। शुक्रबार चाँदी प्रतितोला १ हजार ३ सय ९० रुपैयाँमा कारोबार भइरहेको छ।