काठमाडौँ । ‘ग्लोबल मनि विक–२०२४’ को अवसरमा कुमारी बैंकले बैंकले प्रभावकारी ढंगले वित्तीय साक्षरता कार्यक्रम सञ्चालन गरेको छ ।
‘प्रोटेक्ट योर मनि, सेक्युर योर फ्युचर’ भन्ने नाराका साथ बाह्रौँं संस्करणको ग्लोबल मनि विकमा कुमारी बैंकले अत्यन्तै प्रभावकारी रूपमा सहभागिता जनाएको बैंकले जारी गरेको विज्ञप्तिमा उल्लेख छ ।
वित्तीय लक्ष्य निर्धारणका लागि क्यालकुलेटर सञ्चालन, वित्तीय साक्षरता तथा आचरण प्रर्वद्धनमा कर्मचारीको प्रतिवद्धता, वित्तीय साक्षरता सम्बन्धी प्रशिक्षण, सामाजिक सञ्जालबाट वित्तीय साक्षरता सम्बन्धी क्विज तथा जनचेतनामूलक सामग्री प्रसारण गरिएको बैंकले जनाएको छ ।
यसैगरी वित्तीय साक्षरता प्रवर्द्धन गर्न राष्ट्रिय स्तरका कलाकारहरूको अभिनय सहितको भिडियो शृंखला तथा सामाजिक विषय वस्तुलाई झल्काउने प्रसंग समेटिएको पुस्तक सार्वजनिक गरिएको बैंकले जनाएको छ ।
