काठमाडौँ । हाँस्य कलाकार मनोज गजुरेल प्रभु महालक्ष्मी लाइफ इन्स्योरेन्स लिमिटेडको ब्राण्ड एम्बेसडरमा नियुक्त भएका छन् । इन्स्योरेन्सले एक वर्षका लागि आफ्नो ब्राण्ड एम्बेसडरमा गजुरेललाई नियुक्त गरेको हो ।
मंगलबार एक कार्यक्रम आयोजना गर्दै इन्स्योरेन्सले सम्झौता पत्रमा हस्ताक्षर गरेको छ। सम्झौता पत्रमा इन्स्योरेन्सका प्रमुख कार्यकारी अधिकृत सन्तोष प्रसाई तथा गजुरेलले हस्ताक्षर गरेका छन् ।
इन्स्योरेन्सका प्रमुख कार्यकारी अधिकृत प्रसाईले कला र हाँस्यव्यंग्य क्षेत्रका नक्षत्रलाई प्रभु महालक्ष्मी लाइफ इन्स्योरेन्सको ‘ब्राण्ड एम्बेसडर’ नियुक्त गर्न पाउँदा निकै गौरवान्वित भएको बताए ।
कार्यक्रममा कम्पनीका ब्राण्ड एम्बेसडर मनोज गजुरेलले जीवन बीमाजस्तो पवित्र कार्यमा प्रभु महालक्ष्मी लाइफ इन्स्योरेन्ससँग सहकार्य गर्न पाउँदा खुसी व्यक्त गरे ।
सम्झौतापछि ब्राण्ड एम्बेसडर गजुरेलले इन्स्योरेन्सका सेवाहरुको प्रचारात्मक कार्य, कार्पोरेट ब्राण्ड प्रवर्द्धन तथा संरक्षण, सभा गोष्ठीहरुलाई सम्बोधनसम्बन्धी कार्यहरु गर्ने प्रभु महालक्ष्मी लाइफ इन्स्योरेन्सले जनाएको छ ।
