काठमाडौँ। नेपाली कांगेसका सांसद गगन कुमार थापाले बजेट प्रणालीमा सुधार आवश्यक रहेको बताएका छन्। आइतबारको प्रतिनिधिसभा बैठकमा बजेटमाथिको छलफलमा भाग लिदै सांसद थापाले सो कुरा बताएका हुन्।
बजेट प्रणालीमा सुधार गर्न राजश्व बोर्ड बनाउनुपर्ने सांसद थापाको भनाई छ। बोर्ड बनाइसकेपछि यसले एक्जिक्युभिटको काम गर्ने एड्भाइजरको काम पनि बताए।
नेपाली कांग्रेसका महामन्त्री समेत रहेका थापाले अर्थमन्त्री प्रकाशशरण महतलाई बजेट अवास्तविक छ भन्ने कुरा स्वीकार्न आग्रह गरे। प्रतिनिधि सभामा बजेटमाथि छलफलको क्रममा अहिलेको परिस्थितिमा यत्रो आकारणको बजेट ल्याउन नमिल्ने बताए।
‘अर्थमन्त्रीज्यू पनि यत्रो आकारका बजेट ल्याउन चाहनुहुन्नथ्यो भन्ने मेरो अनुमान हो। यो कुनै सूचना होइन। किनकि यो अवास्तविक छ भन्ने कुरा पक्कै पनि राम्रोसँग बुझ्नुभएको छ’, थापाले भने।
बजेट कार्यान्वयमा चुनौति रहेको बताउँदै एकजुट भएर अहिलेको समस्या समाधान गर्न लाग्न आग्रह गरे।
