शेयर बजारमा सामान्य गिरावट

काठमाडौँ। आज सोमवार शेयर बजारमा गिरावट आएको छ। शेयर बजार परिसूचक नेप्से आज दुई दशमलव ९४ अङ्कले घटेर दुई हजार ९१ दशमलव ३९ विन्दुमा झरेको छ।

आज दुई सय ७६ वटा कम्पनीका एक करोड २९ लाख कित्ता शेयर चार अर्ब ७४ करोड रुपैयाँमा कारोबार भएको छ। सबैभन्दा धेरै शिवम् सिमेन्ट्सको २९ करोड ८२ लाख रुपैयाँ बराबरको शेयर किनबेच भयो।

आज युनिक नेपाल लघुवित्तको शेयर १० प्रतिशतले घटेको छ। समग्रमा बजार घटे पनि सेन्ट्रल फाइनान्स, लक्ष्मी इक्विटी फन्ड, माउन्टेन इनर्जी, वीपीडब्ल्यू लघुवित्त र मेन्छ्याम हाइड्रोपावरको शेयर १० प्रतिशतले बढेको छ।