काठमाडौँ। एनआईसी एशिया बैंकले दुर्घटनामा परी ज्यान गुमाएका ५ जना ग्राहकका आफन्तलाई बीमा बापतको रकम हस्तान्तरण गरेको छ।
सर्वश्रेष्ठ बचत खाता योजना अन्तर्गत दुर्घटना बीमा बापत प्रति परिवारलाई १० लाख रुपैयाँको दरले ५० लाख रुपैयाँ हस्तान्तरण गरिएको बैंकले जनाएको छ।
विभिन्न शाखा कार्यालयहरूमा सर्वश्रेष्ठ बचत खाता खोलेका मृतकका परिवारलाई उक्त रकम हस्तान्तरण गरिएको बैंकले बताएको छ।
बीमा रकम प्राप्त गर्नेमा चितवनको बसेनी शाखामा खाता खोलेका मृतक देवेन्द्रप्रसाद बछाडका भाइ राजनप्रसाद बछाड, रुपन्देहीको ड्राइभर टोल शाखामा खाताखोलेका मृतक सम्राट खनालका बुबा लक्ष्मण खनाल रहेका छन्।
यसैगरी बर्दियाको भुरीगाउँ शाखामा खाता खोलेका मृतक आशिष थारुका बुबा दुल्लुराम थारु, सुनसरीको झुम्का शाखामा खाता खोलेका मृतक चन्द्रराज दाहालकी श्रीमती लछीमादेवी घिमिरे दाहाल र स्याङजाको कृषि शाखामा खाता खोलेका मृतक कृष्णप्रसाद भण्डारीकी श्रीमती टंकीदेवी भण्डारीलाई बीमा बापतको रकम हस्तान्तरण गरिएको बैंकले जनाएको छ।
नेपाल इन्स्योरेन्ससँगको सहकार्यमा उक्त लाभ रकम हस्तान्तरण गरिएको बैंकले बताएको छ।
