केजीएफ २ पछि सञ्जय दत्त अब साउथको यो फिल्ममा देखिने, फस्टलुक सार्वजनिक

एजेन्सी । साउथ सुपरस्टार यशको फिल्म केजीएफ २ मा सञ्जय दत्तको अधेराको भूमिकालाई सबैले मन पराएका थिए । सञ्जय दत्त चाँडै नै साउथ सिनेमाको अर्को ठूलो फिल्ममा देखिने भएका छन् ।

उक्त फिल्मको नाम डबल इस्मार्ट रहेको छ । यो फिल्मलाई चर्चित निर्देशक पुरी जगन्नाथले निर्देशन गर्दैछन् । यस फिल्मको उनको फर्स्ट लुक पनि सार्वजनिक भएको छ ।

सञ्जय दत्तको जन्मदिन जुलाई २९ मा छ ।

उनी ६४ वर्षका भइसकेका छन् । उनको जन्मदिनमा नै उनको फर्स्ट लुक सार्वजनिक भएको छ, जसलाई उनले आफैंले इन्स्टाग्राममार्फत फ्यानसँग सेयर गरेका छन् । सार्वजनिक भएको पोस्टरमा उनको लुक निकै सुन्दर देखिन्छ ।