एजेन्सी । बलिउड अभिनेता सलमान खान हालै आइफा अवार्डमा सहभागी भएका थिए । कार्यक्रममा जाँदा रेड कार्पेटमा उनीसँग एउटा रमाइलो घटना घट्यो ।
मिडियामा उपस्थित कुनै एक महिलाले सलमानलाई विवाहको प्रस्ताव राखेकी थिइन् । ती महिलाले आफू सलमानलाई भेट्न निकै लामो यात्रा गरेको बताइन् ।
महिलाको प्रस्तावमा सलमानले आफ्नो बिहेका दिन सकिएको बताए । सलमानले युवतीलाई भने, ‘तिमी २० वर्षअघि भेटेको भए म केही सोच्ने थिएँ ।’ यति भन्दै सलमान र त्यहाँ उपस्थित मानिसहरु हाँस्न थाले ।
यस कार्यक्रममा महिलाले सलमानलाई पर्दामा देखेपछि आफू प्रेममा परेको बताइन् । त्यसपछि सलमानले भने, तिमी शाहरुख खानको कुरा गर्दैछौ ? महिलाले भनिन् कि उनी वास्तवमा उनी (सलमान) को बारेमा कुरा गर्दैछन् ।
यो पहिलो पटक भने होइन जब कसैले सलमानलाई विवाहको बारेमा सोधेको हो । ५७ वर्षीय सलमानलाई धेरै पटक विवाहको लागि सोधिएको थियो तर उनको जवाफ सधैँ ‘हुन्न’ मा रहन्छ । सलमानले बिहे गर्ने बारे नसोचेको पनि होइन । धेरै पटक यस्तो भयो कि उनी बिहे गर्ने तयारीमा थिए तर अन्तिम समयमा कुनै न कुनै कारणले कुरा बिग्रियो ।
