एजेन्सी । ‘टाइगर ३’ यस वर्षको बहुप्रतिक्षित चलचित्रमध्ये एक हो । सलमान खान र कट्रिना कैफ अभिनित यो फिल्म भोलि दिपावलीमा रिलिजको लागि तयार छ ।
निर्मातादेखि समीक्षकसम्म यो फिल्मको ओपनिङ दीपावलीको पटाकाजस्तै धमाकेदार हुने विश्वास छ ।
अग्रिम बुकिङको कुरा गर्दा टाइगर ३ को हालसम्म ३ लाख ६३ हजार टिकट बिक्री भइसकेको बताइएको छ ।
रिपोर्टका अनुसार आइतबार सलमानको फिल्मले दर्शकको धेरै माया पाउनेछ ।
फिल्म समीक्षकको विश्वास गर्ने हो भने सलमान खान र कट्रिना कैफको टाइगर ३ ले पहिलो दिन ३० देखि ४० करोडको व्यापार गर्नेछ ।
तर, यी तथ्याङ्कलाई हेर्दा टाइगर ३ ले पहिलो दिन पठान र जवानको कीर्तिमान तोड्न सक्नेछैन भन्नु गलत हुनेछैन । यसबाहेक आइतबारपछि सोमबार सलमानको फिल्मका लागि अझ राम्रो साबित हुने बताइएको छ ।
तीन दिनभित्रै टाइगर ३ ले ६० करोडको आँकडा सजिलै पार गर्नेछ ।
यसबाहेक फिल्मको एक हप्ताको आँकडा पनि अनुमान गरिएको छ । रिपोर्टलाई विश्वास गर्ने हो भने, सलमानको फिल्मले ८ दिनभित्र भारतमा ३५० करोड कमाउनेछ ।
