एजेन्सी । साउथकी चर्चित अभिनेत्री रश्मिका मन्दना र अभिनेता विजय देवरकोन्डा आफ्नो सम्बन्धका कारण चर्चामा छन् । केही दिनअघि उनीहरुको ब्रेकअपको खबर बाहिर आएको थियो तर यसैबीच सामाजिक सञ्जालमा रश्मिका र विजयको एउटा भिडियो सार्वजनिक भएको छ, जसमा दुवै एक रेस्टुरेन्टभित्र देखिएका छन् ।
रश्मिका मन्दना र विजय देवरकोन्डा एकअर्कालाई डेट गरिरहेका छन् भन्ने हल्ला चलेको थियो । तर उनीहरु दुबैले सम्बन्धको हल्लाको पुष्टि वा खण्डन गरेका छैनन् ।
अहिले दुवैजना सँगै समय बिताएको देखिएका छन् । विजय र रश्मिकासँगै उनका केही साथीहरु पनि देखिएका छन् । सामाजिक सञ्जालमा यो भिडियो हेरेपछि फ्यानहरुले विभिन्न प्रतिक्रिया जनाएका छन् ।
रश्मिकाको नाम यसअघि तेलुगु स्टार श्रीनिवास बेल्लमकोन्डासँग जोडिएको थियो । त्यसपछि रश्मिका र साई श्रीनिवास मुम्बई एयरपोर्टमा सँगै देखिए । तर, पछि साईले एक अन्तर्वार्तामा यी अफवाहहरूलाई खारेज गर्दै आफू र रश्मिका असल साथी भएको बताएका थिए ।
साउथ अभिनेता रक्षित शेट्टीसँग रश्मिकाको इन्गेजमेन्ट टुटेको केही समयपछि रश्मिका र विजयले एकअर्कालाई डेट गर्न थाले । त्यो अवधिमा दुवैले गीता गोविन्दम (२०१८) र डियर कमरेड (२०१९) जस्ता फिल्महरू सँगै गरे । फिल्मको सुटिङका क्रममा दुवै एकअर्काको नजिक आएका थिए । केही समय डेटिङ गरेपछि करिब २ वर्षअघि यी दुई अलग भएका थिए । तर, यो भिडियो हेर्दा उनीहरुबीच सबै ठीकठाक रहेको देखिन्छ ।
