एजेन्सी । रुस र युक्रेनबीचको युद्धमा अमेरिका र नेटो देशहरू पनि सक्रिय छन् । उनीहरूले युक्रेनलाई .विभिन्न रूपमा सैन्य सहायता प्रदान गरिरहेका छन्। जसका कारण रुसी मिसाइल र खतरनाक ड्रोनले पनि युक्रेनलाई झुकाउन सकेका छैनन् ।
आणविक हमलाको धम्की दिएको रुसले अब आफ्नो मित्र राष्ट्र बेलारुसमा आणविक हतियार तैनाथ गरेर ‘नेटो’ लाई पाठ सिकाउन खोजेको मिडिया रिपोर्टमा उल्लेख छ ।
बेलारुसमा आणविक हतियार तैनाथ गर्ने सम्बन्धमा पनि सम्झौता भएको छ ।
रूस र बेलारुसले बिहीबार बेलारुसको भूमिमा रूसी आणविक हतियारहरू तैनाथ गर्ने प्रक्रियालाई औपचारिक रूपमा एक सम्झौतामा हस्ताक्षर गरेका छन्।
यी आणविक हतियारहरूको नियन्त्रण रसियासँग रहनेछ।
यस कदमले रुसी राष्ट्रपति भ्लादिमिर पुटिन र बेलारुसका राष्ट्रपति अलेक्ज्याण्डर लुकाशेन्कोबीच यसअघि भएको सम्झौतालाई औपचारिकता दिएको छ।
