एजेन्सी । कतारमा सम्पन्न फिफा विश्वकप मध्यपूर्व एसियाली राष्ट्रमा सफल प्रतियोगिताको ट्याग कमाएको करिब पाँच महिना पुगेको छ । यस कार्यक्रमलाई सफल बनाउन हजारौं आप्रवासी कामदारहरूले योगदान दिएका थिए। तर, तलब नपाएको विवाद सुल्झाउन खोज्दा हिरासतमा लिइएका विश्वकपका सुरक्षा गार्डका रूपमा काम गर्ने तीन जना पुरुष पक्राउ परेको महिनौंपछि पनि कतारको जेलमा छन्।
पाकिस्तानका शाकिर उल्लाह र जफर इकबाल र एक भारतीय नागरिकलाई छ महिनाको जेल सजाय र प्रत्येकलाई १०,००० रियाल (२,२०,०००) जरिवाना गरिएको द गार्डियनले रिपोर्ट गरेको छ।
फिफाले कामदारहरूको अधिकारको रक्षा गर्ने बताएको थियो । हाल कतारले यस विषयमा कुनै प्रतिक्रिया दिएको छैन ।
तीनै जना कर्मचारीहरूलाई स्थानीय निजी सुरक्षा फर्म स्टार्क सेक्युरिटी सर्भिसले प्रमुख प्रतियोगिता स्थलहरूमा काम गर्नका लागि नियुक्त गरेको थियो।
तर, उनीहरूलाई फाइनलको केही दिन पछि छोडिएको थियो । उनीहरूको रोजगार सम्झौतामा भने बाँकी नै रहेको थियो ।
