Techie IT
२०८१ वैशाख ८, शनिबार
NepaliPatra logo
गृहपृष्ठअन्तर्राष्ट्रियभारतीय संसदमा सुरक्षा उल्लङ्घन : थप दुई पक्राउ

भारतीय संसदमा सुरक्षा उल्लङ्घन : थप दुई पक्राउ


एजेन्सी । दिल्ली प्रहरीको स्पेसल सेलले संसद सुरक्षा उल्लङ्घन मामिलाको अनुसन्धान गरिरहेको छ । उक्त मामिलामा पक्राउ परेका पाँच जनासँग उनीहरूको शङ्कास्पद सम्बन्धका आधारमा थप दुई जनालाई सेलले पक्राउ गरेको छ ।

पक्राउ परेका महेश र कैलाश दुवै राजस्थान निवासी हुन् । उनीहरूको ‘जस्टिस फर आजाद भगत सिंह’ नामक सामाजिक सञ्जाल समूहसँग कथित सम्बन्ध रहेको बताइएको छ । स्पेसल सेलको काउन्टर इन्टेलिजेन्स युनिटको सोधपुछमा महेश पनि आक्रमणकारी टोलीमा समावेश हुन लागेको तर केही कारणले उनको परिवारका सदस्यले रोकेको सार्वजनिक भएको छ ।

यसका साथै महेशले पाँचौँ अभियुक्त तथा मास्टरमाइन्ड ललित झालाई दिल्लीबाट राजस्थानको कुचामन पुगेपछि उनका साथीहरूको मोबाइल फोन जलाउन पनि सहयोग गरेका छन् । अर्कातिर हिजो राति दुई प्रहरी अधिकारीसहित वरिष्ठ प्रहरी अधिकारीहरूले ललित झासँग सोधपुछ गर्दा उनले सम्पूर्ण घटना बताएका छन् ।

सूत्रका अनुसार हमलाको तयारी धेरै महिनाअघि भइरहेको खुलासा भएको छ । संसदमा प्रवेशका लागि प्रवेश पास आवश्यक थियो, त्यसैले यो उपलब्ध थिएन । ललितले सजिलै संसदमा प्रवेश गर्न कसले पासको व्यवस्था गर्न सक्छ भनेर सबैलाई सोधेका थिए ।

ललितले राजस्थानको होटलबाट लगातार समाचार च्यानलहरूमार्फत जारी घटनाक्रम र प्रहरीको गतिविधमाथि नजर राखिरहेका थिए । सूत्रका अनुसार लखनऊ, मैसुर, कर्नाटक, राजस्थान, महाराष्ट्र र हरियाणामा अभियुक्तहरूसँग सम्बन्धित स्थानमा जान र थप जानकारी प्राप्त गर्नका लागि दिल्ली प्रहरीको स्पेसल सेलले छ वटा टिम बनाएको छ ।

त्यसबाहेक स्पेसल सेलसँग अभियुक्तहरूलाई सात दिनको हिरासतमा राखेकाले उनीहरूलाई क्रस–भेरिफिकेसन र प्रमाणहरू पहिचान गर्नका लागि अलग अलग स्थानमा लगिने छ । संसदमा जुत्ताको जाँच गरिँदैन भन्ने थाहा पाएर जुत्ताभित्र धुवाँको डिब्बा सजिलै लैजान सकिन्छ भनी लखनऊमा दुई जोडी जुत्ता विशेष अर्डरमा बनाइएको पनि खुलासा भएको छ ।

यसैबीच सूत्रका अनुसार दिल्ली प्रहरीको स्पेसल सेलले शनिबार वा आइतबार अभियुक्तहरूलाई संसद परिसरमा पुनः लगेर बुधबार भएको संसद सुरक्षा उल्लङ्घनको दृश्यलाई फेरि बनाउने छ । अपराध दृश्यको पुनर्निर्माण गर्नका लागि अभियुक्तहरूलाई संसदमा लगिने छ । यसबाट अभियुक्तहरूले रङ्गीन स्प्रे लिएर संसदमा कसरी प्रवेश गरे र उनीहरूले आफ्नो योजनालाई कसरी सफल पारे भन्ने पत्ता लगाउन प्रहरीलाई सहयोग पुग्नेछ । रासस एएनआई




ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भने sales@nepalipatra.com सम्पर्क गर्न सक्नुहुनेछ । हामीसँग तपाईं फेसबुकट्विटरमा पनि जोडिन सक्नुहुन्छ ।



तपाईको प्रतिक्रिया दिनुहोस


थप समाचार

केन्याका सेना प्रमुखको विमान दुर्घटनामा मृत्यु

काठमाडौँ । केन्याका राष्ट्रपति विलियम रुटोले बिहीबार देशको उत्तर पश्चिमी भागमा भएको हेलिकप्टर दुर्घटनामा सेना प्रमुख फ्रान्सिस ओगोलासहित १० जना

आजबाट भारतमा आमनिर्वाचन हुँदै

एजेन्सी । भारतमा आजबाट आमनिर्वाचन हुँदैछ । लोकसभाको ५ सय ४३ सिटका लागि सात चरणमा मतदान हुनेछ । शुक्रबार आज

भारतको कश्मीरमा डुंगा दुर्घटना हुँदा ६ जनाको मृत्यु

एजेन्सी । भारत प्रशासित कश्मीरमा विद्यार्थी बोकेको डुंगा दुर्घटना हुँदा ६ जनाको मृत्यु भएको छ । घटनामा केही बालबालिका बेपत्ता

इजरायलमा रहेका नेपालीलाई अत्यावश्यक बाहेक घरबाट ननिस्कन दूतावासको आग्रह

काठमाडौँ। इजरायलस्थित नेपाली राजदूतावासले त्यहाँ रहेका नेपालीहरूलाई स्थानीय सुरक्षा प्रोटोकलको पालना गर्न र अत्यावश्यक अवस्थामा बाहेक घरबाट बाहिर ननिस्कन अनुरोध

युक्रेनको पावर प्लान्टमा रुसको आक्रमण

काठमाडौँ । रुसले युक्रेनको ठूलो मध्येको एक पावर प्लान्टमा आक्रमण गरी ध्वस्त बनाइदिएको छ । विहीबार कियभ क्षेत्रमा रहेको ट्रिपिलिस्का

गाजाको शरणार्थी शिविरमा इजरायलको हवाई आक्रमण

काठमाडौँ । गाजामा रहेको शरणार्थी शिविरमा इजरायलले गरेको पछिल्लो हवाई आक्रमणमा १४ जना प्यालेस्टाइनी नागरिकको ज्यान गएको छ । गएराति

Techie IT