एजेन्सी । एक सय जना भन्दा बढी यात्रु बोकेको डुङ्गा मुम्बईको तटमा पल्टिँदा १३ जनाको मृत्यु भएको छ ।
ज्यान गुमाउनेमा भारतीय नौसेनाका एक अधिकृत, दुई जना करारमा कार्यरत कर्मचारी र सर्वसाधारण रहेका छन् । दुर्घटनामा परेका १ सय भन्दा बढीको उद्धार गरिएको छ ।
भारतीय सञ्चार माध्यमका अनुसार गेटवे अफ इण्डिया बाट एलिफेन्टा टापु सम्म जाँदै गरेको डुङ्गा दुर्घटनामा परेको हो । गेटवे अफ इन्डिया बाट आठ किलोमिटर टाढा रहेको जवाहर द्वीप भन्ने बुचर टापुमा डुङ्गा पल्टिएको बताइएको छ ।
नौसेनाले गरेको प्रारम्भिक अनुसन्धानले नौसेनाको जहाजको इन्जिन खराब भएको देखाएको छ । महाराष्ट्र राज्यका मुख्यमन्त्री देवेन्द्र फडणवीस र भारतीय नौसेनाले दुर्घटनाको दुई छुट्टा छुट्टै छानबिन गर्न आदेश दिएका छन् ।
प्रधानमन्त्री कार्यालयले दुर्घटना प्रति दुःख व्यक्त गर्दै मृतकका परिवारलाई प्रधानमन्त्री राहत कोष बाट दुई लाख रुपैयाँ सहयोग गर्ने घोषणा गरेको छ । घाइतेलाई ५० हजार रुपैयाँ सहयोग गरिने समाचारमा उल्लेख छ ।
