पाकिस्तानमा भीषण वर्षा

एजेन्सी । पाकिस्तानको लाहोरमा भीषण वर्षाले जनजीवन प्रभावित भएको छ । धेरै ठाउँमा घर भत्किएका छन् भने धेरै ठाउँमा सडक पोखरी बनेका छन् ।

बुधबार परेको भारी वर्षाले विगत ३० वर्षको कीर्तिमान तोड्दै १० घण्टामा मात्रै २९० मिलिमिटर वर्षा भएको छ ।

यो प्रकोपका कारण ७ जनाको मृत्यु भएको छ ।

वर्षाको पानीमा डुबेर मृत्यु हुनेमा एक बालक समेत रहेका छन् ।

यसबाहेक करेन्ट लागेर ३ जनाको र घरको छाना खसेर २ जनाको मृत्यु भएको छ ।