सुन प्रकरणले अन्तराष्ट्रिय स्तरमा नेपालको छवि धुमिल भयोः रमेशजंग रायमाझी

काठमाडौँ। राष्ट्रिय सभा सदस्य रमेशजंग रायमाझीले सुन प्रकरणले अन्तराष्ट्रिय स्तरमा नेपालको छवि धुमिल भएको बताएका छन्।

बिहीबार राष्ट्रिय सभामा विशेष समय लिएर बोल्दै उनले ३३ किलो सुन अवैध रुपमा आएको चर्चा सेलाउन नपाउँदै १०० किलो सुन अवैध रुपमा भित्रिँदा अन्तराष्ट्रिय स्तरमा नेपालको छवि धुमिल भएको बताए।

चार्ल्स सोभराजले भित्रुभव विमानस्थलबाट हात्ती छिराइदिन सक्ने भनी दिएको अभिव्यक्तिलाई बिर्साउन गरी १०० किलो सुन अवैध रुपमा भन्सार पास भएको उनको भनाई छ।

‘सयौं किलो सुन एक पल्ट होइन २२ पल्ट त्यस्तो प्रक्रिया भयो भनेर आइरहेको छ। हामीले एउटा मोबाइल, लगाएको घडी कुनै बेला खोलेर कोर्टको गोजीमा हाले त्यो मेसिनबाट छिर्दा डिटेक्टर कराउँछ। १०० किलो सुन निस्कँदा डिटेक्टर किन कराएन?’

भन्सारका कर्मचारीहरुको भूमिमा यस्तो कार्यमा शंकास्पद रहेको उनको आरोप छ।