काठमाडौँ। नक्कली भुटानी शरणार्थी प्रकरणमा पक्राउ परेका १६ जना प्रतिवादीहरुको बयान लिन शुरु भएको छ। न्यायाधीश प्रेमप्रसाद न्यौपानेको इजलासमा दिउँसो १ बजे बयान सुरु भएको हो।
पक्राउ परेका सबै अभियुक्तहरुलाई राखेर बयान गर्न ठाउँ अभाव हुँदा तीन ठाउँ इजलास सारेर बयान सुरु भएको हो। सुरुमा २५ नम्बर इजलासमा परेकोमा ठाउँ पर्याप्त नहुने भन्दै सात नम्बर इजलासमा सारिएको थियो। तर, त्यहाँ पनि ठाउँ अभाव भएपछि १० नम्बर इजलासमा सारेर बयान सुरु भएको हो।
नेपालीहरूलाई नक्कली भुटानी शरणार्थी बनाई अमेरिका पठाउन खोज्ने ३० जनाविरूद्ध बुधबार काठमाडौँ जिल्ला अदालतमा मुद्दा दर्ता गरिएको थियो।
नेकपा एमालेका सचिव टोपबहादुर रायमाझी, काँग्रेस नेता तथा पूर्वगृहमन्त्री बालकृष्ण खाँण, उपराष्ट्रपति कार्यालयका बहालवाला सचिव टेकनारायण पाण्डे, पूवगृहमन्त्री रामबहादुर थापा बादलका सुरक्षा विज्ञ इन्द्रजित राईलगायत उच्च पदस्थहरू जोडिएको मुद्दामा अमेरिका पठाइदिने भन्दै झन्डै २९ करोड रूपैयाँ उठाइएको आरोप छ।
मैले संसदीय मर्यादा उल्लंघन गरेको छैनः माओवादी सांसद दाहाल
