सुन तस्करी प्रकरणः विमानस्थलबाट थप दुई चिनियाँ नागरिक पक्राउ

काठमाडौं । एक क्विन्टल सुन तस्करी प्रकरणमा विमानस्थलबाट दुई चिनियाँ नागरिक पक्राउ परेका छन् ।

राजस्व अनुसन्धान विभागको निगरानीमा रहेका उनीहरुलाई शुक्रबार बिहान ७ः४५ बजे त्रिभुवन विमानस्थलमा खटिएका प्रहरी टोलीले पक्राउ गरेको हो ।

विमानस्थलको अध्यागमन टोलीले तस्करीको कालोसूचीमा रहेका चिनियाँ नागरिक लिजिया लिन र लिउफुयानलाई चीन जान लागेका अवस्थामा नियन्त्रणमा लिएको थियो ।