बाँकेमा भयानक दुर्घटनाः रोकिराखेको ट्रकसँग बस ठोक्किँदा सात जनाको मृत्यु, दुई दर्जन घाइते

काठमाडौँ । बाँकेमा बस र ट्रक ठोक्किँदा सात जनाको मृत्यु भएको छ भने २५ जनाभन्दा बढी घाइते भएका छन् । शुक्रबार राति दाङबाट आउँदै गरेको बस बाँकेको शमशेरगन्जमा रोकिराखेको ट्रकमा ठोक्किँदा दुर्घटना भएको हो ।

दाङबाट आउँदै गरेको ना ७ ख २३२१ नम्बरको बस शमशेरगन्जमा रोकिराखेको ना ८ ख ६४०५ नम्बरको ट्रकमा ठोक्किएको थियो ।

मृतकको सनाखत भइसकेको छैन । प्रहरीका अनुसार दुर्घटनामा २५ जनाभन्दा बढी घाइते भएका छन् । घाइतेहरुलाई अस्पताल पुर्‍याइएको छ । केहीको अवस्था गम्भीर भएकाले मृतकको संख्या बढ्नसक्ने बताइएको छ ।

थप विवरण आउन बाँकी छ ।