मिठाई पसल टिपटपलाई दुई लाख रुपैयाँ जरिवाना

काठमाडौँ। काठमाडौँ महानगरपालिकाले मिठाई पसल टिपटपलाई दुई लाख रुपैयाँ जरिवाना तिराएको छ।

सोमबार महानगरले काठमाडौँ महानगरपालिका– १६ नगलस्थित टिपटप मिठाई पसललाई कारबाही गरेको नगर प्रहरीले जनाएको छ। उक्त मिठाई पसलले अखाद्यान्न मिठाई बेचेको गुनासो आएको थियो।

यस्तै, अबदेखि मिठाई बनाउँदा सरसफाइमा ध्यान दिन र खान योग्य नभएका मिठाई नबेच्न समेत सचेत प्रहरीले गराइएको छ।