उपचारको क्रममा बिरामीको मृत्यु भएको भन्दै चिकित्सकमाथि हातपात

पोखरा। पोखराको मणिपाल अस्पतालमा चिकित्सकको लापरबाहीले बिरामीको मृत्यु भएको भन्दै बिरामीका आफन्तले चिकित्सकमाथि हातपात गरेका छन्। आफन्तहरूले मणिपाल पनि तोडफोड गरेका छन्।

मृतकका आफन्त र चिकित्सकबीच पानीको बोतल हानाहान भएको छ भने अस्पतालका सिसाहरु फुटेका छन्।

लमजुङ सुन्दरबजार नगरपालिका– ७ की ५७ वर्षीया बिरामी सुकमाया दुराको सोमबार दिउँसो उपचारका क्रममा मृृत्यु भएको हो। उनको मृत्युपछि मृतकका आफन्तले लापरबाही भएको भन्दै चिकित्सकमाथि कुटपिट गरेका हुन्।