माओवादी केन्द्रका नेता कृष्ण बडुवालको निधन

धनगढी । नेकपा (माओवादी केन्द्र) सुदूरपश्चिम प्रदेशका उपाध्यक्ष कृष्ण बडुवालको निधन भएको छ । श्वासप्रश्वासको समस्याबाट पीडित उनको आज बिहान निधन भएको हो ।

कैलालीको लम्कीचुहा नगरपालिका–२ चौरीवासी बडुवालको स्वास्थ्य समस्या भएपछि उनलाई लम्कीस्थित लालरत्न अस्पतालमा भर्ना गरिएको थियो ।

त्यहाँ उपचार सम्भव नभएपछि थप उपचारका लागि भारतको लखनउ लग्ने क्रममा उनको निधन भएको हो।

२०७१ साल असोज २० गते जोरायलमै भएको बस दुर्घटनामा बडुवालले पत्नी र एक छोरा निधन भएको थियो ।