गोकर्णेश्वरमा लुटेरा समूहलाई नियन्त्रणमा लिन प्रहरीले गोली चलाउँदा एकजना घाइते

काठमाडौँ। प्रहरीले काठमाडौँको गोकर्णेश्वर नगरपालिका– ९ जगडोलमा ‘लुटेर समूह’माथि गोली चलाएको छ। काठमाडौँ उपत्यका अपराध अनुसन्धान कार्यालयको टोलीले गोली चलाएर एक समूहलाई नियन्त्रणमा लिएको हो।

लुटेरा समूह आएको खबर पाएपछि प्रहरी त्यहाँ पुगेको थियो। सो समूहले प्रहरीमाथि आक्रमण गर्न खोजेपछि आत्मरक्षाका लागि भन्दै प्रहरी टोलीले गोली चलाएको थियो। गोली लागेर एकजना घाइते भएका छन्।

प्रहरीको गोली लागेर सिन्धुलीको कमलामाई नगरपालिका २ का अन्दाजी ३६ वर्षीय अमर घलान घाइते भएका हुन्। उनको नेपाल मेडिकल कलेजमा उपचार भइरहेको छ। त्यस्तै, प्रहरीले अन्य तीन जनालाई नियन्त्रणमा लिएर अनुसन्धान गरिरहेको छ।