छठपर्वका अवसरमा राष्ट्रपति पौडेल गुहेश्वरी र कमलपोखरी जाँदै

काठमाडौँ। छठपर्वका अवसरमा राष्ट्रपति रामचन्द्र पौडेल आज गुहेश्वरी र कमलपोखरी जाँदै छन्। राष्ट्रपति पौडेल दिउँसो ४ बजे गुहेश्वरी र ४ः३० बजे कमलपोखरी जाने कार्यक्रम रहेको उनको सचिवालयले जनाएको छ।

आइतबार छठ पर्वको मुख्य दिन, सूर्यको आराधना, उपासना र पूजा गरी उल्लासपूर्वक मनाइँदैछ। तराई–मधेसका सबै जिल्ला, काठमाडौँसहितका विभिन्न ठाउँमा आज छठ पर्वको विशेष रौनक छ।

आजै साँझ अस्ताउँदो सूर्यको पूजा आराधना गरी अर्घ्य दिइन्छ र सोमबार बिहान उदाउँदो सूर्यलाई अर्घ्य दिएपछि यो पर्व विधिपूर्वक समापन हुन्छ।