काठमाडौँ । आज मेडिकल व्यवसायी दुर्गा प्रसाईको नेतृत्वमा काठमाडौँ उपत्यकामा प्रदर्शन हुँदैछ । काठमाडौँमा हुने सो प्रदर्शनका लागि ७ वटा रूट तय गरिएको छ।
पेप्सीकोला, सातदोबाटो, कलंकी, कालिमाटी, गल्कोपाखालगायतका स्थान चयन गरिएको छ ।
बिहीबार दिउँसो प्रसाईं समर्थकले बल्खु र युवासङ्घले तीनकुनेमा प्रदर्शनको तयारी गरेपछि काठमाडौँ, ललितपुर र भक्तपुरका प्रमुख जिल्ला अधिकारीसहित सुरक्षा अधिकारीको बैठकले एकीकृत सुरक्षा योजना लागु गर्ने निर्णय गरेको थियो।
दुई समूहको प्रदर्शनमा आवश्यक सुरक्षा व्यवस्थापनका लागि आवश्यक सुरक्षाकर्मी परिचालन भएको प्रहरीले जनाएको छ ।
एकीकृत सुरक्षा योजना अन्तर्गत नेपाल प्रहरी, सशस्त्र प्रहरी बल, राष्ट्रिय अनुसन्धान विभागसहितका सुरक्षा निकायलाई परिचालन र तयारी अवस्थामा राखिएको प्रहरीले जनाएको छ ।
यी हुन प्रदर्शन हुने स्थानहरूः
१ः परीक्षा नियन्त्रण अगाडिको खुला चौर, भक्तपुर सानोठिमी
२ः गंगबु चोक
३ः स्वयम्भु
४ः कलंकी
५ः जावलाखेल
६ः सातदोबाटो
७ः त्रिवि प्रवेशद्वार अगाडि
८ः चाबहिल
