जाजरकोटमा एक युवाको कुटपिटका कारण मृत्यु

जाजरकोट । जाजरकोटमा एक युवाको कुटपिटका कारण मृत्यु भएको छ । कुशे गाउँपालिका–२ का ३१ वर्षीय जनक शाहीको छेडागाड नगरपालिका–८ र कुशे गाउँपालिका–२ को सिमाना घौला मेलामा कुटपिटबाट मृत्यु भएको प्रहरीले जनाएको छ ।

मङ्सिर ८ गते शाहीसँगै मेला गएका १८ वर्षीय टेकबहादुर शाही घाइते भएका छन् । कुशे गाउँपालिका–३ का युवासँग झगडा परेपछि झडप भएको थियो ।

कुटपिटबाट घाइते भएका शाहीको घरमा ल्याएर उपचार गर्ने क्रममा राति १२ बजे मृत्यु भएको इलाका प्रहरी कार्यालय अर्छानीका प्रहरी सहायक निरीक्षक कवि सोनीले बताए ।