विवादास्पद धर्मगुरु आचार्य श्रीनिवास पक्राउ

काठमाडौँ। मेडिकल ब्यवसायी दुर्गा प्रसाईंको नेतृत्वमा सोमबार गौशालामा भएको प्रदर्शनमा सहभागी भएर उग्र अभिव्यक्ति दिएपछि विवादास्पद धर्मगुरु आचार्य श्रीनिवासलाई प्रहरीले पक्राउ गरेको छ।

गेरुवस्त्रमा त्रिसुलसहित आएर उग्र अभिव्यक्तिसँगै सडक अबरुद्ध पार्न खोजेपछि प्रहरीले लगत्तै उनलाई पक्राउ गरेको हो । प्रहरीले श्रीनिवाससहित अन्य १० जनालाई पनि पक्राउ परेको छ।

काठमाडौँ प्रहरी प्रमुख भूपेन्द्र खत्रीले श्रीनिवासले आन्दोलन भड्काउने गरि अभिब्यक्ति दिएपछि उनलाई नियन्त्रणमा लिइएको जानकारी दिए।

श्रीनिवासले धर्मका बारेमा बेलाबेला विवादास्पद अभिब्यक्ति दिँदै आएका छन्। उनले सोमबार पनि त्यस्तै विवादास्पद अभिब्यक्ति दिएपछि प्रहरीले उनलाई नियन्त्रणमा लिएको हो।